▸◂▸◂▸ d e x e n e r o ◂▸◂▸◂

Compostela, Territorio das Mulleres

“O proxecto Compostela, Territorio das Mulleres, ten como finalidade implicar á cidadanía na construción dun modelo de cidade máis amigable para e coas mulleres. As cidades son espazos de convivencia, de tránsito de persoas, de experiencias vitais, de traballo, de lecer, de aprendizaxes… Son lugares onde converxen realidades e necesidades diversas, o urbano e o rural, pero tamén territorios onde se xeran desigualdades no acceso aos recursos, no acceso aos servizos, no goce dos dereitos sociais, económicos e culturais, e onde a fenda de xénero as atravesa todas. As cidades son o que son as persoas que as habitan, que as visitan, que van e veñen, que ocupan os espazos privados e, sobre todo, as cidades son o que son as persoas que fan os espazos públicos.” Marta Lois, Concelleira de Igualdade, Desenvolvemento Económico e Turismo do Concello de Santiago de Compostela.

compostela, territorio das mulleres
< www.tm.concellodesantiago.GAL >

Colaboración na metodoloxía de traballo a través da participación no grupo de traballo multidisciplinar da iniciativa. Compostela, Territorio das Mulleres é un proxecto transversal para a confluencia de recursos que están traballando a prol da igualdade de xénero na cidade de Santiago de Compostela, e para a promoción da participación aberta dos axentes sociais e o sector económico co fin de crear un mapa de recursos, lugares e equipamentos que axuden a construír unha cidade igualitaria e amigable coas mulleres.

Ao mesmo tempo, o mapa serve para explorar unha dimensión turística orientada a facer de Compostela unha cidade women friendly, cuxo selo axudará na consolidación da capital galega como destino turístico.

As funcións do grupo foron poñer en común criterios de selección, formulación de compromisos, mapeo colectivo etc. tanto dos establecementos como do conxunto de recursos do mapa.

dexeneroconstrucion_practices_territorio_mulleres_02_1042

Grupo de traballo multidisciplinar formado por Uqui Permui (responsable do deseño e da creación do proxecto), Lucia Canoura (responsable da coordinación técnica), Encarna Otero (historiadora), Patricia Porto (educadora social e libreira), Yolanda Ferro (directora-xerente en funcións de Turismo de Santiago), María Novas (arquitecta) e Rita Sobrado (hostaleira e secretaria da Asociación Hostelería Compostela).

dexeneroconstrucion_practices_territorio_mulleres_logo_1042

A presentación do proxecto, por Alba Sotelo:

 

Compostela, Territorio das Mulleres. Concellería de Igualdade, Desenvolvemento Económico e Turismo. Concello de Santiago de Compostela, 7 de xuño de 2016.

Next Post

Previous Post

© 2017 dexenero